![Պետքարտուղարի տեղակալը կայցելի Հայաստան ու Վրաստան](https://auroranews.am/storage/img/base_image/2024-07-10/668eb4288f7f1.webp)
Պետքարտուղարի տեղակալը կայցելի Հայաստան ու Վրաստան
![Պետքարտուղարի տեղակալը կայցելի Հայաստան ու Վրաստան](https://auroranews.am/storage/img/base_image/2024-07-10/668eb4288f7f1.webp)
Միացյալ Նահանգների պետական քարտուղարի՝ Քաղաքացիական անվտանգության, ժողովրդավարության և մարդու իրավունքների հարցերով տեղակալ Ուզրա Զեյան հուլիսի 9-17-ը կմեկնի Թբիլիսի և Երևան՝ ժողովրդավարական կառավարմանը և կոռուպցիայի դեմ պայքարին, խոսքի ազատությանը մարգինալացված, խոցելի խմբերի ներառման թեմաներով քննարկումներին մասնակցելու համար: Այդ մասին հայտնել է պետական դեպարտամենտը։
Զեյան կհանդիպի բարձրաստիճան պաշտոնյաների և քաղհասարակության ներկայացուցիչների հետ՝ ԱՄՆ-Հայաստան գործընկերության ամրապնդման և օրենքի գերակայության, հակակոռուպցիոն և դատաիրավական բարեփոխումների ոլորտումժողովրդավարական նվաճումների առաջխաղացման հարցերով:
Նա նաև կայցելի Հայոց ցեղասպանության հուշահամալիր՝ հարգանքի տուրք մատուցելու 1915թ․ ցեղասպանության զոհերի հիշատակին։
Դիվանագետը նաև կներգրավի ՄԱԿ-ի և այլ միջազգային կառույցների Հայաստանում՝ աջակցելու խոցելի և մարգինալացված խմբերին: Ուզրա Զեյան կայցելի նաև Հաղպատի վանք՝ նպաստելու կրոնական ազատության նկատմամբ հարգանքին և մշակույթի պահպանմանը: