Հայտնի է թե ինչ հանդիպումներ են նախատեսված Հայաստանում՝ ԱՄՆ պետքարտուղարի տեղակալի օրակարգում
ԱՄՆ դեսպանությունը ողջունում է ԱՄՆ պետքարտուղարի՝ քաղաքացիական անվտանգության, ժողովրդավարության և մարդու իրավունքների հարցերով տեղակալ Ազրա Զեյային, որն Հայաստանում է գտնվելու հուլիսի 13-ից 16-ը։
Պետքարտուղարի տեղակալ Զեյան հանդիպումներ կունենա բարձրաստիճան պետական պաշտոնյաների հետ՝ հայ-ամերիկյան փոխգործակցության ամրապնդման և իրավունքի գերակայության, կոռուպցիայի դեմ պայքարի և դատաիրավական բարեփոխումների ասպարեզում Հայաստանի ժողովրդավարական ձեռքբերումների առաջ մղման հարցերի շուրջ, ինչպես նաև կայցելի Հայոց ցեղասպանության զոհերի հուշահամալիր և քննարկումներ կունենա քաղաքացիական հասարակության հետ՝ մարդու իրավունքների, կոռուպցիայի դեմ պայքարի և մամուլի ազատության ամրապնդման շուրջ։
