Ամեն օր, երբ «զենքերն են խոսում», ցույց է տալիս, թե որքան ճշգրիտ ենք մենք․ Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ ՆԱՏՕ-ն չպետք է դառնա Ուկրաինայի հակամարտության կողմ:

«Մենք աջակցում ենք Ուկրաինայի ամբողջականությանը։ Մենք ասում ենք, որ ՆԱՏՕ-ն չպետք է կողմ լինի այս պատերազմին։ Ամեն օր, երբ «զենքերն են խոսում», ցույց է տալիս, թե որքան ճշգրիտ ենք մենք», - Վաշինգտոնում ՆԱՏՕ-ի գագաթնաժողովին մեկնելուց առաջ օդանավակայանում լրագրողներին ասել է Էրդողանը։

Ռուսաստանը կարծում է, որ Ուկրաինային սպառազինությունների մատակարարումները խանգարում են կարգավորմանը և ՆԱՏՕ-ի երկրներին ուղղակիորեն ներգրավում հակամարտության մեջ: ՌԴ ԱԳ նախարար Սերգեյ Լավրովը նշել է, որ ցանկացած բեռ, որը սպառազինություն է պարունակում Ուկրաինայի համար, կդառնա օրինական թիրախ Ռուսաստանի համար: Նրա խոսքով՝ ԱՄՆ-ն և ՆԱՏՕ-ն ուղղակիորեն մասնակցում են հակամարտությանը, այդ թվում՝ ոչ միայն զենքի մատակարարմամբ, այլև Մեծ Բրիտանիայի, Գերմանիայի, Իտալիայի և այլ երկրների տարածքում կադրերի պատրաստմամբ: Կրեմլում հայտարարել են, որ Արևմուտքի կողմից Ուկրաինային զենք մատակարարելը չի նպաստում բանակցություններին։