Չինաստանն առանցքային տերություն է հակամարտությունում խաղաղության պայմաններ ստեղծելու համար․ Օրբան
Չինաստանը դարձել է առանցքային ուժ, որը կարող է պայմաններ ստեղծել Ուկրաինայում հակամարտության խաղաղ կարգավորման համար։ Այս մասին X սոցցանցի իր էջում հայտարարել է Հունգարիայի վարչապետ Վիկտոր Օրբանը։
«Չինաստանն առանցքային տերություն է ռուս-ուկրաինական հակամարտությունում խաղաղության պայմաններ ստեղծելու համար», — նշել է նա:
Մինչ այդ հաղորդվում էր, որ Հունգարիայի վարչապետ Վիկտոր Օրբանի այցը անսպասելի էր Չինաստանի համար, սակայն Հունգարիայի կառավարության ղեկավարի այցը մեծ նշանակություն են տալիս Պեկինում:
Հուլիսի լույս 8-ի գիշերը Մոսկվայի ժամանակով Վիկտոր Օրբանը ժամանել է Չինաստան։
Հուլիսի 5-ին Օրբանն այցելել է Ռուսաստան։ Նա իր այցն անվանել է «խաղաղ առաքելության» շարունակություն՝ լուսանկար հրապարակելով Վնուկովո օդանավակայանից։ Եվրամիությունում խիստ քննադատել են Հունգարիային այդ այցի համար, իսկ Գերմանիայում պահանջել են, որպեսզի երկիրը հեռանա ԵՄ Խորհրդի նախագահի պաշտոնից։
