Միշել Օբաման հրաժարվել է մասնակցել ԱՄՆ նախագահական ընտրություններին
Միշել Օբաման հրաժարվել է մասնակցել ԱՄՆ նախագահական ընտրություններին:
Ջո Բայդենի և Դոնալդ Թրամփի բանավեճը ծանր հարված էր դեմոկրատների համար և մեծացրել է ԱՄՆ նախկին նախագահի՝ Սպիտակ տուն վերադառնալու հնարավորությունները։ Դեմոկրատական կուսակցության առաջնորդներն այժմ փնտրում են Բայդենին պոտենցիալ փոխարինող։
Տարբերակներից մեկը նախկին առաջին տիկին Միշել Օբաման է: Վերջին հարցումների համաձայն՝ նա կլիներ ընտրություններում Դոնալդ Թրամփին հաղթելու ֆավորիտը 50%-ից 39%-ով։ Ընդ որում, Դեմոկրատական կուսակցության յուրաքանչյուր երրորդ համակիրը կարծում է, որ Բայդենը պետք է լքի մրցավազքը։
Սակայն NBC News-ի տվյալներով՝ տիկին Օբաման չի մտածում նախագահի պաշտոնում առաջադրվելու մասին։ Ավելին, նա արգելում է իր երկու դուստրերին էլ՝ Մալիային և Սաշային, զբաղվել քաղաքականությամբ։
Միշել Օբամայի գրասենյակը հայտարարել է, որ նա կշարունակի աջակցել Ջո Բայդենին և պայքարել ընտրողների բարձր մասնակցության համար։
