Պայմանավորվածությունները մնում են սեղանին և կարող են դրվել այդ բանակցությունների շարունակման հիմքում․ Պուտին
Մոսկվայի և Կիևի պայմանավորվածությունները, որոնք նախաստորագրվել են Ստամբուլում, մնում են սեղանին և կարող են հիմք հանդիսանալ Ուկրաինայում խաղաղ կարգավորման համար։ Այս մասին «ՇՀԿ+» ձևաչափով հանդիպման ժամանակ հայտարարել Է ՌԴ նախագահ Վլադիմիր Պուտինը՝ շնորհակալություն հայտնելով Թուրքիայի նախագահ Ռեջեփ Թայիփ Էրդողանին՝ 2022 թվականի մարտին պատվիրակությունների հանդիպումը կազմակերպելու համար։
«Ստամբուլյան պայմանավորվածությունները ոչ մի տեղ չեն անհետացել, դրանք նախաստորագրվել են ուկրաինական բանակցային պատվիրակության ղեկավարի կողմից, ինչը նշանակում է, որ, ըստ ամենայնի, լիովին ձեռնտու էին Ուկրաինային»,- նշել է նա:
«Այդ պայմանավորվածությունները մնում են սեղանին և կարող են դրվել այդ բանակցությունների շարունակման հիմքում», - հավելել է Ռուսաստանի ղեկավարը:
