Չինաստանը և Ադրբեջանը համատեղ հռչակագիր են ընդունել ռազմավարական գործընկերության մասին
Չինաստանը և Ադրբեջանը Աստանայում համատեղ հռչակագիր են ընդունել երկու երկրների միջև ռազմավարական գործընկերության մասին։ Այս մասին հայտնում է Anadolu գործակալությունը։
Փաստաթղթի տեքստի համաձայն՝ չինական կողմը «խստորեն աջակցում է ադրբեջանական կողմի առաջարկած խաղաղության օրակարգին և հակաարդյունավետ է համարում աշխարհաքաղաքական ինտրիգները, որոնք ուղղված են առճակատման պահպանմանը»։
Պեկինը և Բաքուն պատրաստակամություն են հայտնել խորացնել գործնական համագործակցությունը «Մեկ գոտի և մեկ ճանապարհ» նախագծի շրջանակներում։ Չինաստանը նաև պատրաստակամություն է հայտնել ակտիվորեն մասնակցել Անդրկասպյան միջազգային տրանսպորտային միջանցքի («Միջին միջանցք») կառուցմանը։
