Գործողությունները դիտարկվում և վերլուծվում են․ ՀԱՊԿ գլխավոր քարտուղար

ՀԱՊԿ անդամները ՆԱՏՕ-ի գործողությունների պատճառով չեն դիտարկում ռազմական բաղադրիչի ուժեղացման հարցը, ընդ որում՝ դրանք դիտարկվում են։ Այս մասին հայտարարել Է ՀԱՊԿ գլխավոր քարտուղար Իմանգալի Տասմագամբետովը բելառուսական «БелТА» գործակալությանը տված հարցազրույցում։

Նրա խոսքով՝ ՀԱՊԿ-ն իր առջև նպատակ չի դնում հակակշիռ դառնալ ՆԱՏՕ-ին կամ որևէ երկրի: Նրա ուշադրության կենտրոնում է մնում Արևելաեվրոպական տարածաշրջանում տիրող իրավիճակը։

«Սկզբունքորեն, և կազմակերպությունը, և նրա անդամները հանդես են գալիս բլոկային մտածելակերպից հրաժարվելու օգտին, որը նվազեցնում է համագործակցության հնարավորությունները և, հաճախ, էապես սահմանափակում է նման միավորումների մասնակիցների ազգային ինքնիշխանությունը։ Ընդ որում, բնականաբար, ՆԱՏՕ- ի գործողությունները դիտարկվում եւ վերլուծվում են», - ասել է Տասմագամբետովը։

ՀԱՊԿ գլխավոր քարտուղարը պատմել է, որ փորձագետների եւ անդամ պետությունների ղեկավարության ներկայացուցիչների նիստերի ընթացքում մանրամասն քննարկվում են այն բոլոր գործոնները, որոնք ազդում են կազմակերպության պատասխանատվության գոտում իրադրության վրա, որը հնարավորություն ունի օպերատիվ կերպով ընդունել եւ իրագործել բոլոր անհրաժեշտ որոշումները՝ հաշվի առնելով նրա բոլոր անդամների շահերը:

ՀԱՊԿ-ի ռազմավարական նպատակը Հավաքական անվտանգության ապահովումն է ջանքերի եւ ռեսուրսների համախմբման միջոցով՝ ռազմավարական գործընկերության եւ միջազգային իրավունքի համընդհանուր ճանաչված նորմերի ու սկզբունքների հիման վրա, հավելել է նա: