Դեմոկրատների հովանավորները Բայդենին նախընտրական մրցավազքում փոխարինելու ուղիներ են փնտրում
Բայդենի համար Թրամփի հետ անհաջող նախագահական բանավեճից հետո դեմոկրատական կուսակցության հովանավորների շրջանում խորը տագնապ է տիրում, գրում է The New York Times -ը: Այժմ նրանք մտածում են, թե ինչպես համոզել Սպիտակ տան ղեկավարին հանել իր թեկնածությունը ընտրություններից։
ԱՄՆ-ի ամենահարուստ մարդկանցից ոմանք վրդովված են Դոնալդ Թրամփի հետ բանավեճում Ջո Բայդենի թույլ ելույթից և այժմ գլուխ են կոտրում, թե ինչ կարող են անել մրցավազքի ընթացքը փոխելու համար:
Որոշ հովանավորներ արդեն առաջարկել են միջամտել։ Մյուսները հույս են հայտնել, որ Բայդենը կտեսնի և ինքը կորոշի հեռանալ։ Սակայն դեմոկրատների շատ ունևոր կողմնակիցներ արդեն իսկ նման սցենարը քիչ հավանական են համարում։
Որոշ հովանավորներ առաջարկել են դիմել առաջին տիկին Ջիլ Բայդենին, որպեսզի նա համոզի նախագահին դուրս գալ ընտրապայքարից։
Միևնույն ժամանակ, քաղաքական խորհրդատուների հետ արդեն քննարկվել է այն հարցը, թե ինչ կանոններ կարելի է օգտագործել մինչև դեմոկրատական կուսակցության ազգային համագումարը Բայդենին իր կամքին հակառակ թեկնածուների ցուցակից հանելու և նրան փոխարինող գտնելու համար:
