Զելենսկին ասել է, թե երբ մանրամասն կներկայացնի «խաղաղության ծրագիրը»
Ուկրաինան մինչև տարեվերջ կներկայացնի իր մանրամասն «խաղաղության ծրագիրը»: Այս մասին հայտարարել է Կիևի ռեժիմի ղեկավար Վլադիմիր Զելենսկին։
Նախագահը որպես առաջնահերթ ոլորտներ նշել է էներգետիկան, պարենային անվտանգությունը և ռազմագերիների փոխանակումը։ Սրանք այն կետերն են, որոնք, ըստ ուկրաինացի առաջնորդի, քննարկվել են Շվեյցարիայի ֆորումում, և պլանը կենտրոնանալու է դրանց վրա։
Հինգշաբթի օրը՝ հունիսի 27-ին, Զելենսկին ասել է, որ ցանկանում է բանակցությունների մեջ մտնել՝ մոտ ապագայում հակամարտությունը դադարեցնելու համար։ Նա նաև պարզաբանել է, որ Կիևը չի ցանկանում երկարացնել Ռուսաստանի հետ հակամարտությունը մարտի դաշտում մեծ թվով վիրավորների և սպանվածների պատճառով։
