Վրաստանի խորհրդարանն առաջին ընթերցմամբ ընդունել է «ԼԳԲՏ քարոզչության» դեմ նախագծերի փաթեթը։ Այս մասին հայտնում է RTVI-ը։

 Նշվում է, որ իշխող «Վրացական երազանք» կուսակցության և դաշնակից «Ժողովրդի իշխանություն» խմբակցության 78 պատգամավորներ կողմ են քվեարկել «Ի պաշտպանություն ընտանեկան արժեքների և անչափահասների» ընդհանուր վերնագրով օրինագծերի փաթեթին։

Ընդդիմադիր կուսակցությունների ներկայացուցիչները չեն մասնակցել քվեարկությանը` բոյկոտելով հանդիպումը։

 Օրենքների փաթեթը ներառում է 19 նախագիծ, որոնք ենթադրում են փոփոխություններ երկրի տարբեր օրենսդրական ակտերում, ինչպես նաև աշխատանքային օրենսգրքում։ Փոփոխությունները նախատեսում են նաև սեռափոխության վիրահատությունների և միասեռ զույգերի կողմից երեխաների որդեգրման արգելք։