Էրդողանը ԵՄ-ին Թուրքիայի անդամակցությունը ռազմավարական նպատակ է անվանել
Թուրքիան ԵՄ-ին լիիրավ անդամակցության ռազմավարական նպատակ է դնում, և միության նման մոտեցումը երկրի նկատմամբ համապատասխանում է ընդհանուր շահերին, ասել է Թուրքիայի նախագահ Ռեջեփ Թայիփ Էրդողանը, մեջբերում է Anadolu գործակալությունը։
Թուրքիան ԵՄ անդամակցության թեկնածու է 1999 թվականից։ Սակայն Անկարայի եւ Բրյուսելի միջեւ այս հարցի շուրջ բանակցությունները վաղուց փակուղի են մտել։ Արևմտյան լրատվամիջոցները նշում են, որ ԵՄ երկրների միջև չկա միասնություն Թուրքիայի թեկնածության հարցում։
2023 թվականին Էրդողանը հայտարարել է, որ կհամաձայնի, որ Շվեդիան անդամակցի ՆԱՏՕ-ին, պայմանով, որ Թուրքիան ընդունվի ԵՄ անդամ։ Արդյունքում հայտնի դարձավ, որ Ստոկհոլմը, դաշինքին իր անդամակցությունը վավերացնելու Թուրքիայի համաձայնության դիմաց, պարտավորվում է օգնել Անկարային դեպի Եվրամիություն ճանապարհին։
