Ռոնալդուն Եվրո-2024-ի անսովոր ռեկորդ է սահմանել

Պորտուգալիայի հավաքականի հարձակվող Կրիշտիանու Ռոնալդուն 2024 թվականի Եվրոպայի առաջնության ռեկորդ է սահմանել «խաղից դուրս» վիճակում հայտնվելու քանակով:

Եվրոպական ֆուտբոլային ասոցիացիաների միության (ՈւԵՖԱ) մամուլի ծառայության տվյալներով՝ 39-ամյա պորտուգալացին խմբային փուլի 3 խաղերի ընթացքում 5 անգամ հայտնվել է «խաղից դուրս» վիճակում: Վարկանիշի երկրորդ տեղում է հունգարացի հարձակվող Բարնաբաշ Վարգան, որն ունի 4 «խաղից դուրս» վիճակ:

2023 թվականի հունվարի 2-ին Ռոնալդուն դարձել Է Սաուդյան Արաբիայի «Ալ Նասրա» ակումբի խաղացող, որի հետ պայմանագրով նա տարեկան ստանում է 200 միլիոն եվրո: Նաև լրացուցիչ բոնուսներ իր և իր ընտանիքի համար: Պորտուգալացի հարձակվողը ակումբ է տեղափոխվել Սաուդյան Արաբիայից 2023 թվականին այն բանից հետո, երբ խզել է պայմանագիրը «Մանչեսթեր Յունայթեդի» հետ, թիմի գլխավոր մարզիչ Էրիկ տեն Հագի հետ լարված հարաբերությունների պատճառով:

Մինչ այդ Ռոնալդուն 9 տարի հանդես է եկել Մադրիդի «Ռեալում», 3 տարի՝ Թուրինի «Յուվենտուսում»: Իր կարիերայի ընթացքում պորտուգալացին նվաճել է 5 «Ոսկե գնդակ» և 5 անգամ հաղթել Չեմպիոնների լիգայում: