Կարծում եմ՝ աշխարհի լավագույն աջ պաշտպանն եմ. Կարվախալ

Մադրիդի «Ռեալի» և Իսպանիայի հավաքականի խաղացող Դանիել Կարվախալը խոստովանել է, որ իրեն համարում է աշխարհի լավագույն աջ պաշտպանը։

«Կարծում եմ՝ աշխարհի լավագույն աջ պաշտպանն եմ՝ հաշվի առնելով, թե ինչի եմ հասել ավարտված մրցաշրջանում»,- իսպանացու խոսքերն է մեջբերում Madrid Zone-ը։

Հիշեցնենք, որ Կարվախալը 2023/24 մրցաշրջանում Մադրիդի «Ռեալի» կազմում անցկացրած 41 խաղում դարձել է 6 գոլի և 5 գոլային փոխանցման հեղինակ։ Պաշտպանը գոլ խփեց Չեմպիոնների լիգայի եզրափակիչում Դորտմունդի «Բորուսիայի» դեմ խաղում (2:0) և ճանաչվեց հանդիպման լավագույն ֆուտբոլիստ։