Վրաստանի թիմը 20 միլիոն եվրո կստանա. հայտնի է պայմանը

Վրացի միլիարդատեր Բիձինա Իվանիշվիլին կկրկնապատկի ֆուտբոլի Վրաստանի հավաքականի պարգեւավճարը, եթե ֆրանսիացի Վիլի Սանյոլի գլխավորած թիմը Եվրո-2024-ի 1/8 եզրափակիչում հաղթահարի Իսպանիայի հավաքականի արգելքը, հաղորդում է The Sun-ը։

Խմբային փուլի երրորդ տուրում Պորտուգալիայի հավաքականին 2:0 հաշվով հաղթելու եւ 4 միավորով երրորդ տեղից փլեյ-օֆֆ դուրս գալու համար Վրաստանի հավաքականը կստանա 10 միլիոն եվրո։ Եվս մեկ հաղթանակ, եւ պարգեւավճարը կդառնա 20 միլիոն եվրո։

Իսպանիա - Վրաստան հանդիպումը տեղի կունենա հունիսի 30-ին եւ կմեկնարկի Երեւանի ժամանակով 23:00-ին։