Նույն Lexus-ն արդեն 3-րդ անգամ տեղափոխվել է հատուկ պահպանվող տարածք. վարորդը ՌԴ-ում վթարի մասնակից է եղել
Հունիսի 27-ին, Իսակովի պողոտայում պարեկները նկատել են «Lexus LX» մակնիշի «111 VD 11» համարանիշի ավտոմեքենան, որի առջևի և կողային ապակիները ամբողջությամբ եղել են մգացված, հաղորդում է Shamshyan.com-ը:
Պարեկները կագնեցրել են ավտոմեքենան, ինչից հետո վարորդը ավտոմեքենայով տեղափոխվել է ՊԾ Երևան քաղաքի գնդի պահպանվող հատուկ տարածք:
Կայքի տեղեկություններով՝ ավտոմեքենան հաշվառված է Երևանում գործով «ՎՄԳ-էԼՖ» ՍՊԸ հաշվեկշռում, իսկ ավտոմեքենան վարել է 36-ամյա Մուշեղ Հարությունյանը:
Նշված ավտոմեքենան 3-րդ անգամ է տեղափոխվում հատուկ պահպանվող տարածք և 3 անգամ էլ ղեկին եղել է Մ. Հարությունյանը, ով տարիներ առաջ Ռուսաստանի դաշնությունում «BMW» մակնիշի ավտոմեքենայով ավտովթարի մասնակից է եղել:
