Կոբախիձեն ու Բայրամովը հանդիպել են

Վրաստանի վարչապետ Իրակլի Կոբախիձեն և Ադրբեջանի արտաքին գործերի նախարար Ջեյհուն Բայրամովը հանդիպել են: Այս մասին հայտնում է Վրաստանի կառավարության կայքը: 

Նշվում է, որ կողմերը քննարկել են երկու երկրների ռազմավարական գործընկերությանն առնչվող հարցեր, մտքեր են փոխանակել տարածաշրջանում առկա իրավիճակի վերաբերյալ։ Անդրադարձ է եղել տնտեսական համագործակցությանը և տարածաշրջանային նշանակության նախագծերին։

Ընդգծվել է ենթակառուցվածքային և էներգետիկ խոշոր ծրագրերի իրականացման գործում համատեղ ջանքերի կարևորությունը։