Մեսսին վնասվածք է ստացել Ամերիկայի Գավաթի խաղում

Արգենտինայի հավաքականի ավագ Լիոնել Մեսին վնասվածք է ստացել Ամերիկայի Գավաթի խաղարկության խմբային փուլի երկրորդ տուրի՝ Չիլիի դեմ խաղում:

Մեսսին վնասվածք է ստացել Չիլիի հավաքականի կիսապաշտպան Գաբրիել Սուասոյի հետ բախման հետևանքով: Այս դրվագից անմիջապես հետո նա վերադարձել է խաղադաշտ:

«Խաղի սկզբում ես որոշակի անհարմարություն զգացի աջ ծնկատակի ջիլում», - Մեսսիի խոսքերն է մեջբերում The Athletic-ը: - Այն ձգված էր, այնքան հանգիստ չէր, որքան պետք է լիներ։ Բայց ես կարողացա ավարտել այդ հանդիպումը։ Տեսնենք, թե դրանից ինչ դուրս կգա»։

Արգենտինայի հավաքականը 1:0 հաշվով հաղթեց Չիլիի ընտրանուն: Գոլը 88-րդ րոպեին խփել է արգենտինացի հարձակվող Լաուտարո Մարտինեսը: Մեսսին խաղադաշտում անցկացրել է 90 րոպե։

Արգենտինայի հավաքականը երկու հաղթանակ տարավ մրցաշարում և ապահովեց իր տեղը քառորդ եզրափակչում: Աշխարհի չեմպիոնները գլխավորում են A խումբը: Երկրորդ տեղում Կանադան է, որը 1: 0 հաշվով հաղթել է Պերուին: Պերուն ու Չիլին ունեն մեկական միավոր։ Ամերիկայի գավաթի խաղարկությունում քառորդ եզրափակիչ դուրս կգան խմբի լավագույն երկու թմերը:

Արգենտինացիները վաստակել են 6 միավոր եւ A խմբում զբաղեցնում են առաջին տեղը. չիլիացիները վերջին տեղում են՝ մեկ միավորով: