Նոր վարակներ են տարածվում, կատաստրոֆայի մեջ կհայտնվենք․ Մելիքյան
Երևանի ավագանու նիստի ժամանակ «Մայր Հայաստան» խմբակցության անդամ Սուսաննա Մելիքյանը բարձրացրեց թթվածնային բալոններ առաքող մեքենաների հարցը։
«Հարցս վերաբերում է թթվածնային բալոններ առաքող մեքենաներին, որոնց մուտքը, չափերի պատճառով, քաղաքի կենտրոն արգելված է՝ հայտնի որոշումով. սա բերում է լուրջ հետևանքների՝ հիվանդանոցները խնդիրներ են ունենում՝ մատակարարումները ժամանակին ստանալու հետ կապված: Չեք կարծո՞ւմ՝ անհրաժեշտ է ցերեկը ժամային գրաֆիկ սահմանել, որ դրանք կարողանան անարգել մտնել կենտրոն»,- նշեց նա։
Մելիքյանը հավելեց. «Վերջին շրջանում առողջապահական հաստատություններից կողմից արդեն անոնս է արվում նոր, ինչ-որ վարակների տարածման մասին, իսկ դրանք, գիտեք, հիմնականում շնչառական խնդիրներ են առաջացնում, ուստի կատաստրոֆայի մեջ կհայտնվենք, եթե խնդիրը չլուծվի»:
