18+ ՏԵՍԱՆՅՈՒԹ․ Երրորդ հարկից մեքենայի ընկնելու պահը․ բոլոր ուղևորները մահացել են․ ՌԴ

Համացանցում է հայտնվել Կրասնոդարի առեւտրի կենտրոնի կայանատեղիի երրորդ հարկից BMW-ի ընկնելու պահը։

Հիշեցնենք՝ ավելի վաղ հայտնել էինք, որ ՌԴ Կրասնոդարի հենց կենտրոնում BMW մակնիշի ավտոմեքենան դուրս է թռել ավտոկայանատեղիի տարածքից, որը տեղակայված էր «Gallery» առևտրի կենտրոնի 3 -րդ հարկում: Այս մասին հայտնում է «Rg.ru»-ն:

Մեքենան հարվածել է կայանատեղիի արգելապատնեշներին և 10 մետր բարձրությունից ընկել։ Մեքենայում եղել է ընտանիք` մի կին, 12-ամյա երեխա և 37-ամյա տղամարդ։ Բժիշկները փորձել են նրանց օգնություն ցուցաբերել, սակայն փրկել չի հաջողվել, բոլորը մահացել են:

Հաղորդվում է, որ տեղում արդեն աշխատում են արտակարգ ծառայությունները՝ ոստիկանությունը, շտապօգնությունը, փրկարարները։ Դեպքի պատճառները պարզվում են։

ԶԼՄ-ների տվյալներով՝ հնարավոր է վարորդը շփոթել է ոտնակները: