Ադրբեջանում կարանտինային ռեժիմ է հայտարարվել մինչև հոկտեմբերի 1-ը

Ադրբեջանում հատուկ կարանտինային ռեժիմը երկարաձգվել է ևս երեք ամսով։ Այն հանրապետության տարածքում կգործի մինչև 2024 թվականի հոկտեմբերի 1-ը ՝ ժամը 06:00-ն:

Համապատասխան հրամանագիրը ստորագրել է վարչապետ Ալի Ասադովը, հայտնել են Ադրբեջանի կառավարության մամուլի ծառայությունից:

Համաձայն փաստաթղթի՝ Հանրապետության տարածքում կորոնավիրուսային վարակի (COVID-19) տարածումը, ինչպես նաև դրա հնարավոր հետևանքները կանխելու նպատակով հանրապետության տարածքում հատուկ կարանտինային ռեժիմի ժամկետը երկարաձգվել է մինչև 2024 թվականի հոկտեմբերի 1-ը՝ ժամը 06:00-ն:

Հիշեցնենք, որ ավելի վաղ այդ ժամկետը երկարացվել էր մինչև այս տարվա ապրիլի 1-ը։ Նշենք, որ երկրի կառավարությունն անցյալ տարվա մարտին չեղարկել էր կարանտինային հատուկ ռեժիմի հետ կապված որոշ սահմանափակումներ։