Գերմանիայում լրտեսության կասկածանքով ՀՀ, ՌԴ և Ուկրաինայի քաղաքացիներ են ձերբակալվել

Գերմանիայում լրտեսության կասկածանքով ռուս, հայ եւ ուկրաինացի է ձերբակալվել:

Հունիսի 19-ին Գերմանիայի Մայնի Ֆրանկֆուրտ քաղաքում լրտեսության կասկածանքով երեք օտարերկրացի է ձերբակալվել, հայտնել է Գերմանիայի գլխավոր դատախազությունը:

Ձերբակալվածներից մեկը Ռուսաստանի քաղաքացի Արման Ս. — ն է, երկրորդը ՝ Ուկրաինայի քաղաքացի Ռոբերտ Ա. — ն, երրորդը ՝ Հայաստանի քաղաքացի Վարդգես Ի. - ն:

Հունիսի 20-ին դատարանը երեքին էլ կալանավորել է։ Ձերբակալվածներին կասկածում են օտարերկրյա հատուկ ծառայության համար աշխատելու մեջ։ Դատախազության տվյալներով`  նրանք ժամանել են Գերմանիա, որպեսզի տեղեկություններ հավաքեն Ուկրաինայից այստեղ գտնվող մարդու մասին։ Դրա համար հունիսի 19-ին նրանք հետախուզության են եկել Մայնի Ֆրանկֆուրտի սրճարանում, որտեղ պետք է գտնվեր այդ մարդը։ Ոչ նրա անունը, ոչ էլ այլ մանրամասներ չեն հաղորդվում։

Մայնի Ֆրանկֆուրտը` այն քաղաքներից մեկն է, որտեղ անցկացվում են ֆուտբոլի Եվրոպայի առաջնության հանդիպումները, որն այս տարի հյուրընկալում է Գերմանիան: Սակայն հունիսի 19 — ին Ֆրանկֆուրտի մարզադաշտում ոչ մի խաղ տեղի չունեցավ. մեկը տեղի ունեցավ հունիսի 17-ին, երկրորդը` 20-ին, իսկ հաջորդը` հունիսի 23-ին: