Ուկրաինայի իշխանությունները հատուկ ընտրել են Սուրբ Երրորդության Ուղղափառ տոնը՝ ծիսական հանցագործություն կատարելու համար։ Այս մասին «Ռոսիա 24» հեռուստաալիքին հայտնել Է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ուկրաինայի զինված ուժերի հարձակումը Սևաստոպոլի վրա։

«Նման հարվածի ամսաթիվը պատահական չէր ընտրվել՝ Սուրբ Երրորդության օրը։ Իսկ մենք շատ լավ հասկանում ենք, թե ինչ է կանգնած Կիեւի ռեժիմի էության ներսում, դա խորն ատելություն է այն ամենի հանդեպ, ինչը կապված է Ռուսաստանի, ռուսական մշակույթի հետ», – ընդգծել Է դիվանագետը։

Նրա խոսքով՝ Կիևի ծիսական հանցագործությունները համընկնում են մեծ տոների հետ։ Ուկրաինայի իշխանությունների համար չկան քաղաքացիական ենթակառուցվածքներ, դպրոցական արձակուրդներ, տոներ։

Այն մասին, որ Սևաստոպոլը հրթիռային հարձակման է ենթարկվել, հայտնի է դարձել հունիսի 23-ին։ Նահանգապետ Միխայիլ Ռազվոժաևի նախնական տեղեկություններով՝ ջրային տարածքի երկնքում ոչնչացվել են հինգ օդային թիրախներ, դրանց բեկորներն ընկել են առափնյա գոտու վրա ։ Սկզբում նահանգապետը հայտնել էր 14 վիրավորի մասին, ավելի ուշ նրանց թիվը անցել է 100-ը։

Ավելի ուշ Ռազվոժաևը հստակեցրել է, որ Սևաստոպոլի վրա Ուկրաինայի զինված ուժերի հարձակման հետևանքով զոհվել է երեք խաղաղ բնակիչ, որոնցից երկուսը երեխաներ են: Վարչապետը խոստացել է օգնել զոհվածների ընտանիքներին:

Ռուսաստանի Պաշտպանության նախարարությունը հունիսի 23-ին հայտնել է, որ Ուկրաինան հարվածել է Սևաստոպոլի քաղաքացիական ենթակառուցվածքին ամերիկյան ATACMS օպերատիվ-մարտավարական հրթիռներով: Զինամթերքի բեկորների ընկնելու հետևանքով խաղաղ բնակիչներ են տուժել։