Կան ծայրահեղություններ, որոնք չպետք է թույլ տալ․ Մակրոն

Ֆրանսիայի նախագահ Էմանուել Մակրոնը կոչ է արել ֆրանսիացիներին ձեռնպահ մնալ «ծայրահեղությունների օգտին» քվեարկելուց այն հարցումների ֆոնին, որոնք կանխատեսում են Մարին Լը Պենի «Ազգային միավորման» հաղթանակը: Այս մասին գրում Է Le Figaro-ն։

Մակրոնն ընդգծել է, որ վստահ է ֆրանսիացի ժողովրդի ինտելեկտի և ուժի մեջ՝ կոչ անելով համաքաղաքացիներին Պատասխանատու լինել:

«Կան ծայրահեղություններ, որոնք չպետք է թույլ տալ։ Կան շատ մարդիկ, ովքեր ցանկանում են տարանջատել ժողովրդին։ Կան շատ մարդիկ, ովքեր ցանկանում են կառավարել ի հեճուկս ժողովրդի. Ո՛չ»,- հայտարարել Է Մակրոնը։

Մինչ այդ Bloomberg գործակալությունը գրել էր, որ Ֆրանսիայի նախագահ Էմանուել Մակրոնը պատրաստ է կոալիցիա կազմել իր քաղաքական հակառակորդների հետ, որպեսզի թույլ չտա Մարին Լե Պենի և նրա աջակողմյան «Ազգային միավորում» կուսակցության իշխանության գալը:

Գործակալությունը վկայակոչում է Մակրոնի հայտարարությունն այն մասին, որ ընդդիմադիր քաղաքական ուժերը կարող են երկիրը միասին կառավարել: Պետության ղեկավարի առաջարկը հնչել է նրա կենտրոնամետ կուսակցության եւ նրա դաշնակիցների վարկանիշների անկման ֆոնին, որոնք, հավանաբար, դատապարտված են պարտության, նշվում է նյութում: