Ղազախստանի մայրաքաղաք Աստանայում 26-հարկանի բնակելի համալիր է այրվում, բնակիչները պնդում են, որ կրակը տարածվել է հաշված րոպեների ընթացքում: Հաղորդվում է, որ հրդեհը բռնկվել է Թուրանի պողոտայի Ռիքսոս Խան-Շատիր բնակելի համալիրի բարձրահարկ շենքում, այրվում է վերջին հարկի ծածկը։

Ղազախստանի արտակարգ իրավիճակների նախարարության հաղորդմամբ՝ տեղում աշխատում են փրկարարները։ Տուժածների մասին տեղեկություններ այս պահին չկան։

Հրդեհի բռնկման հստակ պատճառները պարզվում են։ Հայտնի է, որ հրդեհաշիջման աշխատանքներին մասնակցում է ավելի քան 70 մարդ։

Շենքը գտնվում է քաղաքի կենտրոնում՝ «Խան-Շատիր» խոշոր առևտրի կենտրոնի մոտ։ Շենքում տեղակայված են ոչ միայն բնակարաններ, այլև վարչական տարածքներ։

Աստանայում այրվող շենքից 8 մարդ Է տարհանվել, այդ թվում ՝ մեկ երեխա։