Ալպերում տեղատարափ անձրևներ են տեղացել և ջրի հոսքերը սկսել են հեղեղել Ֆրանսիան և Շվեյցարիան։ 

Շվեյցարիայի հարավ-արեւելքում ուժեղ ամպրոպի և անձրեւի պատճառով այսօր երեք մարդ է անհետ կորել։ Հաջողվել է մի կնոջ ողջ հանել սողանքից. նա թաղվել էր ալպյան Միսոկս հովտում, Գրաուբյունդենում։ Երեք անհետ կորածների փրկարար գործողությունը շարունակվում է։

Շվեյցարիայի այլ հատվածներում Ցերմատ հանրահայտ զբոսաշրջիկային վայրը հարավային Վալե կանտոնում, որտեղ գտնվում է լեգենդար Մաթերհորն լեռը, մնում է անհասանելի։ Տեղատարափ անձրեւների եւ ձնհալի պատճառով Մաթերվիսպա գետը դուրս է եկել ափերից՝ գյուղը կտրելով աշխարհից։