«Բայդենը բացարձակ սխալ բաներ է ասել». Թրամփ

ԱՄՆ նախկին նախագահ Դոնալդ Թրամփը հայտարարել է, որ ԱՄՆ գործող առաջնորդ Ջո Բայդենը չպետք է Ուկրաինային խոստանար անդամակցել ՆԱՏՕ-ին:

Ինչպես հաղորդում է «Ինտերֆաքսը»՝ վկայակոչելով All In փոդքասթի եթերը, Թրամփն ընդգծել է, որ Բայդենը կանոնավոր կերպով սխալ հայտարարություններ է անում Ուկրաինայի վերաբերյալ:

Բացի այդ, ամերիկյան պետության նախկին ղեկավարը նշել է, որ Ուկրաինայում հակամարտությունը չէր սկսվի, եթե ԱՄՆ-ում իշխանության ղեկին լիներ ինքը:

«Բայդենը բացարձակ սխալ բաներ է ասել», - ասել Է Թրամփը։ - Դրանցից մեկն այն էր, որ «Ուկրաինան կանդամակցի ՆԱՏՕ-ին»։ Դա այն շատ բաներից մեկն է, որ նա հնչեցրեց, և երբ ես լսում էի նրան` մսածեցի «Այս տղան պատերազմ կսկսի»:

Թրամփը նաև հայտնել է, որ եթե ինքը դառնա ԱՄՆ նախագահ, ապա նա ամերիկացի զինվորներին չի ուղարկի Ուկրաինա կռվելու, ինչպես դա անում են Ֆրանսիան և Գերմանիան, որոնց մոտ «իրավիճակը բոլորովին այլ է, քանի որ Ուկրաինան նրանց համար գրեթե հարևան է»:

Ամերիկայի Միացյալ Նահանգների նախագահի ընտրությունները նախատեսված են 2024 թվականի նոյեմբերին: