«Հայտարարված հրադադարի պայմանները հավերժ չեն գործի». Պուտին

Վլադիմիր Պուտինը հայտարարել է, որ Ռուսաստանը պատրաստ է շարունակել ուկրաինական կողմի հետ երկխոսությունը Ստամբուլում և Մինսկում անցկացված բանակցությունների հիման վրա:

«Ռուսաստանը պատրաստ է շարունակել ուկրաինական կողմի հետ երկխոսությունը Ստամբուլի և Մինսկի բազայում», – հայտարարել Է Վլադիմիր Պուտինը: Ռուսաստանի նախագահը նաև զգուշացրել է, որ անցած շաբաթ իր հայտարարած հրադադարի պայմանները հավերժ չեն գործի:

Ռուսաստանի նախագահ Վլադիմիր Պուտինը Վիետնամի մայրաքաղաք Հանոյում պատասխանել է լրագրողների հարցերին և կրկին քայլ է կատարել դեպի խաղաղություն Ուկրաինայում: Ռուսաստանի առաջնորդը, որը կրկին մտադրություն է հայտնել վերադառնալ բանակցություններին, որոնք ավելի վաղ անցկացվել են Ստամբուլում և կանգ են առել ճանապարհի կեսին, նշել է. «Ռուսաստանը երբեք չի հրաժարվել բանակցություններից: Մենք երբեք չենք հրաժարվել բանակցություններից»:

2022 թվականին Ստամբուլում ձեռք բերված պայմանավորվածություններն ընդունվել են նաև Ուկրաինայի կողմից։ Այդ պատճառով մենք պատրաստ ենք շարունակել ուկրաինական կողմի հետ երկխոսությունը Ստամբուլի և Մինսկի բազայում: Թեկուզ վաղը: Ռուսաստանի առաջարկները սեղանին են»։

Ռուսաստանն իր նախորդ հայտարարություններում ընդգծել էր, որ Ստամբուլում խաղաղ բանակցությունները տապալվել են Արևմուտքի կողմից, և որ Ուկրաինան հետևել է իր դաշնակիցներին:

Անդրադառնալով նաեւ անցյալ շաբաթ Ուկրաինային առաջարկված խաղաղության պայմաններին՝ Պուտինը հայտարարել է, որ Ռուսաստանը միշտ բաց է բանակցությունների համար, ընդ որում Կիեւը եւ նրան աջակցող արեւմտյան երկրները սաբոտաժի են ենթարկել ինչպես Մինսկի գործընթացը, այնպես էլ Ստամբուլում ընթացող բանակցությունները: Պուտինը զգուշացրել է, որ իր հայտարարած պայմանները հավերժ չեն գործի, և նշել է. «մեր պայմանները կփոխվեն՝  կախված երկրում տիրող իրավիճակից»:

Պուտինը, վերջին 24 տարում առաջին անգամ այցելել է Հյուսիսային Կորեա, այնուհետև մեկնել է Վիետնամ և այդ հայտարարություններն արել Վիետնամի մայրաքաղաք Հանոյում: