ՏԵՍԱՆՅՈՒԹ․ Վլադիմիր Պուտինը Վիետնամ է մեկնել․ նրան դիմավորել է նախագահը
ՌԴ նախագահ Վլադիմիր Պուտինը ժամանել է Հանոյի նախագահական պալատ, որտեղ բանակցություններ են նախատեսված Վիետնամի Սոցիալիստական Հանրապետության ղեկավար Տո Լամի հետ:
Պալատի դիմացի հրապարակում դիմավորման պաշտոնական արարողությունից հետո առաջնորդները կլուսանկարվեն, և կսկսվեն ռուս-վիետնամական բանակցությունները:
Տեղի կունենա նաև ստորագրված փաստաթղթերի փոխանակման արարողություն, նախագահները հայտարարություններ կանեն մամուլի համար:
Հաղորդվում է, որ Ռուսաստանի և Վիետնամի նախագահները Հանոյում արդեն սկսել են երկկողմ բանակցությունները։
Հիշեցնենք` Պուտինը Վիետնամ է մեկնել երկօրյա պետական այցով։ Նա հունիսի 19-ին Հանոյ է ժամանել Փհենյանից` ԿԺԴՀ կատարած այցի ավարտից հետո։ ՌԴ նախագահը Հյուսիսային Կորեա էր մեկնել հունիսի 18-ին և բանակցել ԿԺԴՀ նախագահ Կիմ Չեն Ինի հետ։
