Օբաման կարող է փոխարինել Բայդենին․ որը կլինի վճռորոշ պահը

ԱՄՆ 44-րդ նախագահ Բարաք Օբաման առաջիկա ընտրություններում կարող է փոխարինել ԱՄՆ ներկայիս առաջնորդ Ջո Բայդենին: Այս մասին գրում է բրիտանական Daily Mail պարբերականը։


Նշվում է, որ դեմոկրատների կուսակցությունն այդ ռիսկերը կապում է Բայդենի վատ առողջական վիճակի հետ: Վճռորոշ պահը կլինի Հանրապետական կուսակցությունից նախագահի թեկնածու Դոնալդ Թրամփի հետ բանավեճը։


«Եթե Բայդենը Թրամփի հետ բանավեճի ժամանակ իրեն վատ դրսևորի, նրան կարող են փոխարինել այլ թեկնածուով՝ պատճառաբանելով առողջական խնդիրները», - ասվում է տեղեկատվության մեջ:


Պարբերականը հիշեցրել է Բայդենի տարօրինակ պահվածքի դեպքերի մասին, որոնք կապում են նրա տարիքային խնդիրների հետ։ Ընդգծվում է նաև, որ պաշտոնական միջոցառումների ժամանակ ԱՄՆ առաջնորդի կողքին հաճախ կարելի է նկատել Օբամային, ով բազմիցս օգնել է նրան կողմնորոշվել տարածության մեջ:


Բայդենին կարող են փոխարինել նաեւ Նենսի Փելոսին եւ Բիլ Քլինթոնը: Այնուամենայնիվ, Օբաման ընտրողների շրջանում առավել մեծ ժողովրդականություն է վայելում որպես փոխարինող հավանական թեկնածու:

Քաղաքականություն

Պատահարներ