Քաղաքականություն

Մենք կարևոր համաձայնության ենք եկել․ Օրբան

Մենք կարևոր համաձայնության ենք եկել․ Օրբան
Հունգարիան պայմանավորվել Է ՆԱՏՕ-ի հետ, որ իր ուժերը չի ուղարկի Ուկրաինային աջակցելու դաշինքի գործողություններին մասնակցելու համար, ինչպես նաև ֆինանսապես չի աջակցի դրան, պայմանավորվածությունը կգործի…

Հունգարիան պայմանավորվել Է ՆԱՏՕ-ի հետ, որ իր ուժերը չի ուղարկի Ուկրաինային աջակցելու դաշինքի գործողություններին մասնակցելու համար, ինչպես նաև ֆինանսապես չի աջակցի դրան, պայմանավորվածությունը կգործի նաև այն դեպքում, եթե Նիդեռլանդների գործող վարչապետ Մարկ Ռյուտեն դառնա ՆԱՏՕ-ի հաջորդ գլխավոր քարտուղարը։ Այս մասին հաստատել է Հունգարիայի վարչապետ Վիկտոր Օրբանը X սոցիալական ցանցում:


«Մենք կարևոր համաձայնության ենք եկել ՆԱՏՕ-ի գլխավոր քարտուղար Յենս Ստոլտենբերգի հետ։ Մենք պայմանավորվել ենք, որ ոչ մի հունգարացի զինվորական չի մասնակցի Ուկրաինայում ՆԱՏՕ- ի գործողություններին և ոչ մի հունգարական Ֆինանսներ չեն օգտագործվի նրանց աջակցելու համար», - գրել է Օրբանը։


Հունգարիայի վարչապետը հավելել է, որ երկուշաբթի կայացած հանդիպումից հետո Մարկ Ռյուտեն հաստատել է, որ ինքը լիովին աջակցում է այդ համաձայնագրին և կպահպանի այն, եթե զբաղեցնի ՆԱՏՕ-ի գլխավոր քարտուղարի պաշտոնը: Օրբանը հրապարակել է Ռյուտեի նամակը՝ համապատասխան հայտարարությամբ։


Ավելի վաղ Financial Times թերթը, հղում անելով իր աղբյուրներին, հայտնել էր, որ Նիդեռլանդների վարչապետ Մարկ Ռյուտեն Հունգարիայի վարչապետ Վիկտոր Օրբանին խոստացել է, որ եթե նա դառնա ՆԱՏՕ-ի գլխավոր քարտուղար, Հունգարիան իրավունք կունենա հրաժարվել իր տարածքից դուրս ՆԱՏՕ-ի գործունեությանը մասնակցելուց՝ ի աջակցություն Ուկրաինայի:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8329) Միջազգային (3599) ԱՄՆ (2422) Ռուսաստան (2364) Իրան (1819) Ընտրություններ (1286) Ուկրաինա (960) Երևան (834) Իսրայել (771) Ադրբեջան (694) Փաշինյան (625) Եվրոպա (545) Ազգային ժողով (527) Ընդդիմություն (507) Թրամփ (466)

Radio Aurora

Լսել Radio Aurora

Գովազդային տարածք

300x250