Գալուզինը խոսել է Հայաստանից հնչող քննադատությունների մասին

Արևմուտքի նարատիվների ազդեցության տակ տեղի է ունեցել Հայաստան-Ռուսաստան երկկողմ քաղաքական շփումների կտրուկ նվազում։ Այս մասին Комсомольская правда-ին ասել է ՌԴ փոխարտգործնախարար Միխայիլ Գալուզինը։


«Երևանից գնալով ավելի հաճախ են հնչում Ռուսաստանի, ՀԱՊԿ-ի, անվտանգության առկա համակարգի անհիմն քննադատությունները։ Սա, մեղմ ասած, ապակառուցողական է և անհեռատես»,- ասում է Գալուզինը։


Նրա կարծիքով, Երևանի լիարժեք մասնակցությունը ՀԱՊԿ-ի աշխատանքներին համապատասխանում է հայ ժողովրդի ձգտումներին և ծառայում է Հարավային Կովկասում խաղաղության և կայունության պահպանման գործին։


«Ինչ էլ որ խոստանան ՀՀ իշխանություններին կազմակերպությանն անդամակցությունը «սառեցնելուն» դրդած արևմտյան երկրները, ՀԱՊԿ-ին, որպես Հայաստանի անվտանգության ապահովման մեխանիզմ, արդյունավետ այլընտրանքներ չկան։ ՀԱՊԿ-ի ներուժի կառուցման աշխատանքները համակարգված առաջ են ընթանում՝ Երևանը թողնելով հետևում», - ասել է Գալուզինը:



Քաղաքականություն

Պատահարներ