ԱԽՔ-ն՝ հրապարակման մասին, թե Գրիգորյանը հրաժարվել է ելույթ ունենալ «Ուկրաինայի խաղաղության գագաթնաժողովին»
«Իսկզբանե միայն նախատեսված է եղել ՀՀ ԱԽ քարտուղար Արմեն Գրիգորյանի մասնակցությունն «Ուկրաինայի խաղաղության գագաթնաժողովին», ելույթ նախատեսված չի եղել»։ Այս մասին Factor.am-ին հայտնել են Անվտանգության խորհրդից՝ անդրադառնալով ուկրաինական պարբերականերից մեկի հրապարակմանը, թե Արմեն Գրիգորյանը հրաժարվել է ելույթ ունենալ Շվեյցարիայում տեղի ունեցած «Ուկրաինայի խաղաղության բանաձև գագաթնաժողովի» երկրորդ լիագումար նիստին։
ԱԽՔ-ից նաև նշել են, որ ելույթի մասին նախագահողի հայտարարությունը տեխնիկական խնդիր է եղել:
Հիշեցնենք, որ «Ուկրաինայի խաղաղության բանաձև գագաթնաժողովի» արդյունքներով հռչակագիր է ընդունվել։ Հունիսի 16-ին Շվեյցարիայում անցկացված Ուկրաինայի հարցով գագաթնաժողովի եզրափակիչ հռչակագրին աջակցել են հավաքի մասնակից 100 պատվիրակություններից 84-ը։ Ըստ Swissinfo-ի՝ Հայաստանն այդ երկրների շարքում չէ:
