Որևէ ոստիկան պատասխանատվության չի ենթարկվել հունիսի 12-ի դեպքերով. փաստաբան
Չափազանց մտահոգիչ է, որ որևէ ոստիկան պատասխանատվության չի ենթարկվել հունիսի 12-ի դեպքերով։ Այս մասին այսօր՝ հունիսի 17-ին, հայտարարեց փաստաբան Սերգեյ Հարությունյանը։
«Կադրերում երևում է, թե ինչպես է ոստիկաններից մեկը բռնում երիտասարդի մազերից քաշում, անասելի դաժանություն է, ողջունում եմ գնդապետ Ազիզյանին, որը կանխեց դա»,- ասել է նա և հավելել, որ չեն կարող չընդունել, որ ոստիկանների շարքերում կան նաև պատվով ոստիկաններ։ Փաստաբանը վստահեցրել է, որ սահմանն անցած ոստիկանները ենթարկվելու են պատասխանատվության։
Նա նշել է, որ այս օրերին ձերբակալված 27 անձինք ազատ են արձակվել:
