Ռուսական խաղաղապահ զորակազմն ավարտել է Ղարաբաղից դուրսբերման գործընթացը, չորեքշաբթի հայտնել է Ադրբեջանի պաշտպանական գերատեսչության մամուլի ծառայությունը:

«Հայրենական պատերազմից հետո Ադրբեջանի տարածքում ժամանակավորապես տեղակայված Ռուսաստանի Դաշնության խաղաղապահ զորախմբի դուրսբերման գործընթացն ավարտվել է հունիսի 12-ին ։ Խաղաղապահ զորախմբի անձնակազմը, սպառազինությունն ու տեխնիկան ամբողջությամբ լքել են տարածքը», - ասված է հաղորդագրության մեջ: