![Լոնդոնաբնակ միլիարդատեր Վաչե Մանուկյանը ծրագրում է գնել անգլիական «Էվերթոնը»](https://auroranews.am/storage/img/base_image/2024-06-10/66669b601ca6a.webp)
Լոնդոնաբնակ միլիարդատեր Վաչե Մանուկյանը ծրագրում է գնել անգլիական «Էվերթոնը»
![Լոնդոնաբնակ միլիարդատեր Վաչե Մանուկյանը ծրագրում է գնել անգլիական «Էվերթոնը»](https://auroranews.am/storage/img/base_image/2024-06-10/66669b601ca6a.webp)
Հայ գործարար, լոնդոնաբնակ միլիարդատեր Վաչե Մանուկյանը դիտարկում է անգլիական «Էվերթոնը» գնելու հնարավորությունը, հայտնել է The Independent-ը։
Աղբյուրի տեղեկություններով՝ գործարարն ակումբի ներկայիս սեփականատեր Ֆարհադ Մոշիրիին 400 միլիոն ֆունտ ստեռլինգի առաջարկ է արել։ Մանուկյանի առաջարկը լավ է ընդունվել ակումբի ղեկավարության կողմից, ովքեր վստահ են նրա՝ որպես «Էվերթոնի» նոր սեփականատեր դառնալու հետ կապված։
Մանուկյանը պատրաստ է արագ ներգրավվել մերսիսայդյան ակումբի գործերին, եթե իր առաջարկն ընդունվի։ Ենթադրվում է նաև, որ նա ցանկանում է գործարքն ավարտին հասցնել առաջիկա մի քանի ամիսների ընթացքում։
Մանուկյանը «Էվերթոնի» նվիրված երկրպագու է և ցանկանում է լուծել ակումբի ֆինանսական խնդիրները։ Գործարարի ծրագիրը ներառում է գործառնական կանխիկ գումարի տրամադրում ու կայուն երկարաժամկետ ռազմավարության մշակում։
2023/24 մրցաշրջանում «Թոֆիները» Անգլիայի Պրեմիեր լիգայի աղյուսակում գրավել էին 15-րդ տեղը։