Իսրայելի բանակը պատրաստ է «Հըզբոլլահ»–ի դեմ ռազմական գործողությանը
Իսրայելի պաշտպանական ուժերը (IDF) անցյալ շաբաթ ավարտել են լիբանանյան «Հըզբոլլահ» շարժման դեմ գործողության նախապատրաստական աշխատանքները, հինգշաբթի հայտնել է Հյուսիսային ռազմական շրջանի հրամանատար գեներալ-մայոր Օրի Գորդինը։
Նրա խոսքով՝ Իսրայելի պաշտպանության բանակի և «Հըզբոլլահի» միջև ութ ամիսների ընթացքում շարժումը կորցրել է 420 մարդ, այդ թվում՝ հրամանատարական կազմի անդամներ, իսկ իսրայելական զինվորականները ոչնչացրել են նաև նրա մի շարք օբյեկտներ։ Նա ընդգծել է, որ Իսրայելի պաշտպանության բանակի խնդիրն այժմ պարզ է՝ ապահովել անվտանգությունը հյուսիսային Իսրայելում, որպեսզի իսրայելցի տեղահանվածները կարողանան վերադառնալ տուն:
Հաղորդվում է, որ Իսրայելի վարչապետ Բենիամին Նեթանյահուն երեկ հայտարարել էր, որ իր երկրի զինված ուժերը պատրաստ են լայնածավալ ռազմական գործողություններ իրականացնել Լիբանանի հետ սահմանին։
