ՏԵՍԱՆՅՈՒԹ․ «Գևորգ Պետրոսյան, ասում են՝ խմած եք», «Ես էլ ասում եմ՝ իրանք ուռած են». լարված իրավիճակ՝ ՔԿ-ի մոտ
Քննչական կոմիտեի դիմաց, որտեղ բագրատ Սրբազանի աջակիցները բողոքի ակցիա են իրականացնում, բանավեճ տեղի ունեցավ ԱԺ նախկին պատգամավոր գեւորգ Պետրոսյանի եւ ոստիկանության աշխատակցի միջեւ:
Ոստիկանության աշխատակիցը մեգաֆոնով կոչ արեց չվիրավորել ոստիկաններին եւ չհայտարարել, թե ոստիկանական զորքերն ապօրինի գործողություններ են իրականացնում:
«Ես ցանկություն չունեմ բանավեճի մեջ մտնել ձեզ հետ, ուրիշ ֆորմատով կմտնեմ, բայց հրապարակավ չեմ մտնի, կգաս ինձ մոտ, աշխատասենյակում կխոսենք: Ես բազմիցս նայել եմ այդ օրենքը, դուք խեղաթյուրում եք»,-ասաց նա՝ դիմելով Պետրոսյանին:
«Դուք շատ փոքր եք, որ ինձ հետ բանավիճեք: Փոքր եք թե տարիքով, թե գիտելիքներով»,-ասաց նախկին պատգամավորը:
Բանավեճ սկսվեց , որը կասեցնելու համար միջամտեցին թե ոստիկանները, թե Բագրատ Սրբազանը, ով վերցրեց միկրոֆոնը Պետրոսյանի ձեռքից:
Ոստիկանները Գեւորգ Պետրոսյանին մեղադրեցին խմած լինելու մեջ:
Բագրատ Սրբազանն ասաց. «Պարոն Պետրոսյան, դուք խմա՞ծ եք, ալկոհո՞լ եք օգտագործել: Ձեզ զրպարտում են»:
Գեւորգ Պետրոսյանը պահանջեց նման բան ասողը ներկայանա, թե ով է, ապա շարունակեց. «Ես էլ կարող եմ ասել, որ իրենք ուռել են»:
