Վենեսուելայում երկրաշարժերի զոհերի թիվը գերազանցել է 1700-ը

Վենեսուելայի իշխանությունները հայտնել են, որ հունիսի 24-ին տեղի ունեցած 7,2 և 7,5 մագնիտուդով երկու ուժեղ երկրաշարժերի հետևանքով զոհերի թիվը գերազանցել է 1700-ը, աըս մասին հայտնում է Euronews-ը։



Պաշտոնական տվյալներով՝ վիրավորվել է 5034 մարդ, ավելի քան 15,800 մարդ տեղահանվել է, իսկ շուրջ 22,600-ը բուժօգնություն է ստանում։ Միաժամանակ, ՄԱԿ-ի աջակցությամբ իրականացվող փրկարարական աշխատանքների շրջանակում գնահատվում է, որ մինչև 68 հազար մարդ դեռևս համարվում է անհետ կորած։

Ամենաշատը տուժել է Լա Գուաիրա նահանգը, որտեղ իշխանությունները հայտարարել են աղետի գոտի և շարունակում են լայնածավալ որոնողափրկարարական աշխատանքները միջազգային թիմերի մասնակցությամբ։

Աղետի գոտում դեռևս գրանցվում են հետցնցումներ։ Միևնույն ժամանակ ԱՄՆ-ն և մի շարք այլ երկրներ աջակցություն են ցուցաբերում փրկարարական ու վերականգնողական աշխատանքներին, իսկ Լատինական Ամերիկայի և Կարիբյան ավազանի զարգացման բանկը հայտարարել է մինչև 200 միլիոն դոլարի վերականգնման հիմնադրամի ստեղծման մասին։