Հայաստանի և Ադրբեջանի քաղաքացիները կկարողանան գաղտնի տեղեկություններ հայտնել անհայտ կորածների մասին

Ադրբեջանը հաստատում է իր պատրաստակամությունը՝ անհայտ կորած անձանց խնդրով համագործակցելու հայկական կողմի հետ և բաց է աշխարհի համար։

Այս մասին «Անհայտ կորածների խնդրի լուծման ժամանակակից մոտեցումները և համագործակցության ամրապնդումը» խորագրով միջազգային համաժողովի ընթացքում հայտնել է Ադրբեջանի պետական անվտանգության ծառայության պետի տեղակալ Շարաֆաթ Հասանովը:

Ինչպես նշել է նա, առաջարկվում է ձևավորել մի համակարգ, որի միջոցով Ադրբեջանի և Հայաստանի քաղաքացիները հնարավորություն կունենան գաղտնի տվյալներ փոխանցել անհայտ կորած անձանց, այդ թվում՝ նրանց թաղման վայրերի վերաբերյալ։

«Տրամադրված տեղեկատվությունն օգտագործվելու է բացառապես մարդասիրական նպատակներով, և այն տրամադրող անձը ոչ մի պարագայում պատասխանատվության չի ենթարկվի։ Նպատակն է՝ նպաստել անհայտ կորած անձանց ճակատագրի բացահայտմանը»։