![Ուկրաինայում Հայաստանի դեսպանը և Երևանի Նոր Նորքի թաղապետն այցելել են Բուչա](https://auroranews.am/storage/img/base_image/2024-06-03/665cddce68fdd.webp)
Ուկրաինայում Հայաստանի դեսպանը և Երևանի Նոր Նորքի թաղապետն այցելել են Բուչա
![Ուկրաինայում Հայաստանի դեսպանը և Երևանի Նոր Նորքի թաղապետն այցելել են Բուչա](https://auroranews.am/storage/img/base_image/2024-06-03/665cddce68fdd.webp)
Ուկրաինայում Հայաստանի դեսպան Վլադիմիր Կարապետյանը և Երևանի Նոր Նորք վարչական շրջանի ղեկավար Տիգրան Տեր-Մարգարյանն այցելել են Ուկրաինայի Բուչա քաղաք։ Այս մասին Instagram-ի իր էջում հայտնել է Բուչայի քաղաքային վարչակազմը։
Հանդիպման ընթացքում քննարկվել է Բուչայի և Երևանի Նոր Նորք համայնքների միջև համագործակցության հաստատման հնարավորությունը։
Հայկական պատվիրակությունը` որպես մարդասիրական օգնություն, դեղամիջոցներ է նվիրաբերել Բուչայի երկրորդական օղակի բժշկական հաստատություններին։
«Մենք հպարտանում ենք ուկրաինացի ժողովրդի քաջությամբ, որը պաշտպանում է իր ազատությունն ու անկախությունը մարտի դաշտում։ Երևան քաղաքը և Նոր Նորքի շրջանը մշտապես աջակցելու են Բուչային և ռուսաստանյան ագրեսիայից տուժած մյուս համայնքներին։ Այս մարդասիրական օգնությունը մեր համերաշխության մի փոքր մասն է միայն»,- ընդգծել է Տիգրան Տեր-Մարգարյանը։
Հյուրերը անմեղ զոհերի հիշատակը հարգել են 509 սպանված խաղաղ բնակիչների հուշահամալիրի ինստալյացիայի մոտ, հայտնում է Բուչայի քաղաքային վարչակազմը: