![Իսրայելի բանակը ռեյդեր է անցկացնում](https://auroranews.am/storage/img/base_image/2024-06-02/665c0df5b343b.webp)
Իսրայելի բանակը ռեյդեր է անցկացնում
![Իսրայելի բանակը ռեյդեր է անցկացնում](https://auroranews.am/storage/img/base_image/2024-06-02/665c0df5b343b.webp)
Իսրայելի Պաշտպանության բանակը (ՑԱԽԱԼ) այս գիշեր սկսել է գրոհներ իրականացնել Հորդանան գետի արևմտյան ափին՝ ահաբեկչական գործունեության մեջ կասկածվողներին ձերբակալելու համար: Այս մասին հայտնել է իսրայելական Walla լրատվական պորտալը, փոխանցում է ՌԻԱ Նովոստին։
Իսրայելցի զինվորականները գործողություն են սկսել Ջենինում, որի շրջանում պայթյուն է լսվել և փոխհրաձգություն է սկսվել:
ՑԱԽԱԼ-ի ուժերը գործում են նաև Նաբլուս քաղաքում, որտեղ փնտրում են ահաբեկչություն իրականացնելու մեջ մեղադրվողին, որի հետևանքով իսրայելցի սպաներ են տուժել:
Պորտալի տեղեկություններով՝ քաղաքի մուտքերն ու ելքերը արգելափակված են։ Իսրայելի զինվորականները որոնում են ահաբեկչին, որն անցյալ շաբաթ բեռնատարի ղեկին հարձակվել էր զինծառայողներ տեղափոխող մեքենայի վրա:
Walla-ի տեղեկություններով՝ գիշերը ՑԱԽԱԼ-ի գործողության ընթացքում հայտնաբերվել եւ ոչնչացվել են երկու ահաբեկիչներ, որոնք Երիքովում հրկիզիչ խառնուրդով շշեր էին նետել:
Մինչ այդ ՑԱԽԱԼ-ը հայտնել էր, որ Հորդանանի Արևմտյան ափին ոչնչացվել է ՀԱՄԱՍ-ի շտաբի ղեկավարը: