Նրանք պնդում են, որ կշարունակեն ընդունել օրենքներ, որոնք կկործանեն ռուսական ամեն ինչ. Լավրով
Կիեւի իշխանությունները հարմար են ԱՄՆ-ի եւ Արեւմուտքի համար՝ որպես Ռուսաստանի դեմ պայքարի գործիք, եւ այդ պատճառով նրանց ներվում է ամեն ինչ, հայտարարել է ՌԴ ԱԳ նախարար Սերգեյ Լավրովը:
Լավրովը նշել է, որ Արեւմուտքում ոչ մի արձագանք չեն ստացել Ուկրաինայում ռուսաց լեզվի օգտագործման սահմանափակումները, թեեւ Ռուսաստանը բազմիցս պահանջել է այդ արգելքների առնչությամբ հետաքննություն անցկացնել ԵԱՀԿ-ի, Եվրոպայի խորհրդի եւ ՄԱԿ-ի Ռասայական խտրականության վերացման կոմիտեի հարթակներում:
«Ուկրաինայի բարձրաստիճան պաշտոնյաները հաճախ իրենց արտահայտություններում օգտագործում են ռուսներին վիրավորող արտահայություններ, պնդում են, որ ոչ Խարկովում, ոչ Նիկոլաևում ռուսական ոչինչ չպետք է լինի։ Նրանք նաև պնդում են, որ կշարունակեն ընդունել օրենքներ, որոնք օրենսդրորեն կկործանեն ռուսական ամեն ինչ, իսկ անհրաժեշտության դեպքում դա կանեն նաև ֆիզիկապես», - ասել է ռուսական դիվանագիտության ղեկավարը:
