Մեդվեդևն ասել է՝ ինչը կնշանակի համաշխարհային պատերազմի սկիզբ
ՌԴ Անվտանգության խորհրդի փոխնախագահ Դմիտրի Մեդվեդևը տարակուսանք է հայտնել Լեհաստանի ԱԳ նախարար Ռադոսլավ Սիկորսկու խոսքերի կապակցությամբ: Տեղեկատությունը փոխանցում է ՏԱՍՍ-ը:
«Նման քայլը կհանգեցնի համաշխարհային պատերազմի»,-ընդգծել Է Մեդվեդեւը X-ում:
Նա մեկնաբանել է Սիկորսկու հայտարարությունն այն մասին, որ ինքը դեմ չէ ուկրաինացի զինվորականների կողմից ՌԴ-ի տարածքին հարվածներ հասցնելուն:
«Ամերիկացիների հարվածը մեր դիրքերին նշանակում է համաշխարհային պատերազմի սկիզբ, և նույնիսկ այնպիսի երկրի արտգործնախարարը, ինչպիսին Լեհաստանն է, պետք է դա հասկանա», - գրել է Մեդվեդևը ։
