Վրաստանը պատրաստվում է իր կազմ վերադարձնել Աբխազիան և Հարավային Օսիան. Կոբախիձե
Վրաստանը պատրաստվում է իր կազմ վերադարձնել Աբխազիան և Հարավային Օսիան և 2030 թվականին դառնալ Եվրամիության անդամ: Այս մասին հայտարարել է Վրաստանի վարչապետ Իրակլի Կոբախիձեն։
«Մեր Վրացական երազանքն այն է, որ մինչև 2030 թվականը ապրենք միավորված և ուժեղ Վրաստանում՝ մեր աբխազ և օս եղբայրների ու քույրերի հետ միասին։ Միացյալ և ուժեղ Վրաստանը պետք է դառնա եվրոպական ընտանիքի լիիրավ անդամ 2030 թվականին», - գրել է Կոբախիձեն X-ում:
Իր հաղորդագրության մեջ երկրի վարչապետը նաև շնորհավորել է Վրաստանի քաղաքացիներին Անկախության օրվա կապակցությամբ, որոնք բնակվում են ինչպես երկրում, այնպես էլ նրա սահմաններից դուրս:
