Հնդկաստանում ուխտավորների տեղափոխող ավտոբուսն ընկել է կիրճը. կա 21 զոհ
Հնդկաստանի հյուսիսում ուխտավորներին Շիվ Խորիի շրջան տեղափոխող ավտոբուսն ընկել է կիրճը։ Միջադեպի հետևանքով զոհվել է 21 մարդ, վիրավորվել՝ 40 մարդ։ Այս մասին հաղորդում է The Times of India պարբերականը։
Շիվ Խորիում է գտնվում հինդուական պանթեոնի գլխավոր աստվածներից մեկի՝ Շիվայի տաճարը։
Ավտոբուսը դուրս է եկել ճանապարհի երթևեկելի հատվածից և կիրճն ընկել 45 մ բարձրությունից։
Վթարի պատճառներն առայժմ հայտնի չեն։
