Իրանում հնգօրյա սուգ է հայտարարվել
Իրանում հնգօրյա սուգ է հայտարարվել Իրանի զոհված նախագահ Էբրահիմ Ռաիսիի և նրան ուղեկցողների հիշատակին, երկուշաբթի օրը հայտարարել է երկրի գերագույն առաջնորդ այաթոլլա Ալի Խամենեին։
«Ես հնգօրյա սուգ եմ հայտարարում և իմ ցավակցությունն եմ հայտնում Իրանի թանկագին ժողովրդին»,- Խամենեիի խոսքերն է մեջբերում Tasnim լրատվական գործակալությունը։
Նա նաև ընդգծել է, որ սահմանադրության 131-րդ հոդվածի համաձայն՝ Իրանի առաջին փոխնախագահ Մոհամմադ Մոհբերը «դառնում է գործադիր իշխանության ղեկավար և պարտավորվում է օրենսդիր և դատական իշխանությունների ղեկավարների հետ պայմանավորվել առաջիկա 50 օրվա ընթացքում նոր նախագահ ընտրելու հարցում»։
Հավելենք` Իրանի նախագահ Էբրահիմ Ռաիսիի և նրան ուղեկցողների հուղարկավորության արարողությունը տեղի կունենա երեքշաբթի օրը՝ մայիսի 21-ին, Թավրիզ քաղաքում, հայտնում է Tasnim գործակալությունը։
