ԼՈՒՍԱՆԿԱՐՆԵՐ. Հրազդանում անձրևաջրերը ողողել են շենքի ավտոկայանատեղին և սննդի կետը. փրկարարները 350 տոննա անձրևաջուր են հեռացրել
Կոտայքի մարզի Հրազդան քաղաքում անձրևաջրերը լցվել են Կենտրոն թաղամասի Օգոստոսի 23 փողոցի շենքերից մեկի ավտոկայանատեղի ու նկուղային հարկում գործող սննդի կետ։ Տեղեկությունը հայտնում է ՀՀ ՆԳՆ փրկարար ծառայությունը։
Նշվում է, որ փրկարարներն իրականացրել են ջրահեռացման աշխատանքներ` պոմպի միջոցով հեռացրել են մոտ 350 տոննա ջուր:
Ավտոկայանատեղիում ջրի բարձրությունը եղել է մոտ 30 սմ, իսկ նկուղային հարկում գործող սննդի կետում` մոտ 10 սմ:
