Շոյգուն և Պատրուշևը մասնակցել են ՌԴ Անվտանգության խորհրդի նիստին

ՌԴ Անվտանգության խորհրդի նոր քարտուղար Սերգեյ Շոյգուն և նրա նախորդ Նիկոլայ Պատրուշևը երկուսն էլ մասնակցել են Անվտանգության խորհրդի անդամների հետ նախագահի օպերատիվ հանդիպմանը, հայտնում է РИА Новости–ն։

Ինչ կարգավիճակով է հանդիպմանը ներկա եղել Պատրուշևը, ում մայիսի 12-ին Պուտինն ազատել է Անվտանգության խորհրդի քարտուղարի պաշտոնից՝ «այլ աշխատանքի անցնելու կապակցությամբ» ձևակերպմամբ, չի հաղորդվում։ Պատրուշեւի նոր պաշտոնի մասին ոչինչ պաշտոնապես չի հայտարարվել։

Անվտանգության խորհրդի պաշտոնական կայքում քարտուղարի մասին տեղեկատվությունը արդեն թարմացվել է, և նա Սերգեյ Շոյգուն է: Այնտեղ նույնպես նշված չէ Նիկոլայ Պատրուշեւի նոր պաշտոնը։