ՏԵՍՆՅՈՒԹ․ Հզոր հրդեհ՝ Վարշավայում․ այն ընդգրկել է շենքի մոտ 80%-ը
Այսօր Լեհաստանի մայրաքաղաքում հզոր հրդեհ է բռնկվել. հրդեհվել է խոշոր առևտրային համալիր, որտեղ տեղակայված են մոտ 1400 խանութներ: Հրդեհն ընդգրկել է շենքի մոտ 80%-ը։ Տուժածներ չկան։
Պետական հակահրդեհային ծառայության տեղեկատվության համաձայն՝ հրդեհը սկսվել է գիշերը և շատ արագ տարածվել շենքի ողջ տարածքում՝ ներսում կուտակված դյուրավառ նյութերի՝ հիմնականում տեքստիլի պատճառով:
Տեղական ԶԼՄ-ների տեղեկություններով՝ Բիալոլենկա միկրոշրջանում առևտրի կոնտրոնի գլխավոր վարձակալները ասիացիներ են եղել։
Հրդեհի կոնկրետ պատճառը դեռ չի պարզվել, սակայն այն հաջողվել է տեղայնացնել: Համալիրի տանիքը մասամբ փլուզվել է, մոտակա շրջանների բնակիչներին խնդրում են փակել պատուհանները և մնալ տանը, քանի որ քիմիական նյութերի այրման հետևանքով առաջացած ծուխը կարող է առողջության համար վտանգ ներկայացնել: Gorenje-ի փոխանցմամբ՝ այս մասին հայտնում է Ռիա նովոստին:
